KABANATA 25

Simula no'ng umamin si Diego sa akin, palagi ko na siyang iniiwasan. Iniiwasan kong maglakad-lakad sa campus dahil alam kong makikita ko siya, ni hindi ako pumupunta sa canteen, bibili muna ako ng snacks bago pumasok sa campus. Sa cafeteria ay binibilisan ko ang pagkain para hindi niya ako maabutan. Nawe-weirdohan na nga sa akin si Irina pero hindi ko sinabi sa kanya ang ginawang pag-amin ng lalaki sa akin. Baka siya pa mismo ang tatawag sa lalaki para lapitan ako.

Habang tumatagal ay mas nagiging malapit kami ni Irina sa isa't-isa. Naging komportable na ako sa kanya, or more like, komportable na kami sa isa't-isa. Wala nang awkwardness sa pagitan namin. Minsan nga ay nag-aaway at nag-aagawan pa kami sa mga walang kwentang bagay. But we know na itong away namin ay normal na asaran lang ng magkakaibigan. We don't take this seriously. Para kaming mga characters sa mga anime na magkakaribal, at palaging nag-aaway kagaya na lang nina Gray at Natsu, Sasuke at N