Chapter Risked

Halt.

Napabuntong-hininga siya at binitawan na nito ang kamay ko. “Simula ngayon, ako na ang magagalit para sayo, kung di mo yan magagawa sa ibang tao. Ako ang gagawa niyan para sayo. Sino sila para lalong abusuhin ang kagaya mo? Hindi ako papayag na yung nanay ng panganay ko, ginaganito na lang. Asawa ka ng isang Choi kaya dapat makuha mo yung dapat na maging trato sayo. Hindi yung inaapak-apakan ka na lang.” Saka nga niya binuksan ang pinto at tuluyan nang lumabas. Sumunod na lang din ako na hawak ko ang dalawa kong kamay, napapayuko.

Yung mga sinabi niya… Alam ko na, hindi ko kailangan na maniwala. Pagkatapos lang ng ilang buwan… kailangan ko sundin ang kontrata.

Bakit niya ako isinama sa Main Building ng kompanya nila? Diba hindi niya ako kailangan i-expose masyado?

“Ano ba talaga ang gusto mong kainin?” Tanong niya na nakatalikod sa akin, at diretsong naglalakad. Nahihirapan nga ako na habulin siya.