IKALIMANG KABANATA

JULIA POV

MATAPOS makauwi ay kaagad akong dumeretso sa aking silid at nagbihis. Matapos non ay humiga na agad ako sa kama dahil masama pa ang pakiramdam ko. Hindi ako makatulog dahil may mga gumugulo sa aking isip. Anong paghihiganti kaya ang pwede kong gawin? at ano naman ang hihingin na kapalit ni Herbert sa pagtulong niya sa akin ?

Habang hindi mapakali sa pag-iisip ay biglang may kumatok sa pinto ng kwarto ko kaya kaagad akong bumangon at binuksan ang pinto. Tumambad sa harapan ko si Chela. "Ma'am ipinatatawag ka po ni Sir sa kwarto niya"

"Para saan kaya? Ano ang kailangan niya sa akin? Siguro ay ipapakita na naman niya sakin ang kababuyan nila ng kabit niya"

"Hindi po Ma'am. Mag-isa po si Sir sa bedroom niya umalis po kasi kanina si Ma'am Daniella. Umuwi po sandali sa kanila"

Napataas ang kilay ko sa sinabi niya. "Anong tawag mo kay Daniella?? Ma'am? at kailan mo pa siya naging amo hah Chela?"

Bigla siyang napayuko at nagsalita."Ma'am iyon po kasi ang utos ni Sir. Ma'am daw po an