Chapter 12

Nanatili ako dito sa living room habang sinusuri ng doktor si Ivan. Ang kaniyang mommy at daddy ay nasa loob. Ang mga kapatid naman niya ay nakatayo sa labas ng pintuan.

Bente minutos na ang nakalipas mula nang pumasok ang doktor sa loob ng silid. Sana lang ay maging maayos ang kalagayan ni Ivan. Nabigla yata siya kaya sumakit ang kaniyang ulo.

Napatayo ako nang lumabas ang doktor kasama ang mga inlaws ko.

"Dalhin niyo siya bukas sa ospital para matignan siya nang mabuti," bilin ng doktor sa mga magulang ni Ivan. Tinanguan ako ni Doktor Cheng bago siya tuloy-tuloy na naglakad palabas ng bahay.

"Mommy, kumusta po si Ivan?"

Ngumiti si Mommy. "He's fine now. Hinahanap ka niya. Pumasok ka na sa silid niyo."

"H-Hindi pa po ba bumalik ang alaala niya?"

Umiling si Mommy. "Sumakit lang daw ang ulo niya. Sabi ko huwag niyang puwersahin ang sarili na makaalala. Myla..." Hinawakan ni Mommy ang aking kamay.

"Alam kong nahihirapan ka na, pero..." Nangungusap ang kaniyang mga mata na tumingin