Chapter 138

MAAYOS naman nakausap ni Luna at Riri si Rocky. Nangako ito sa kanila na hindi sasabihin ang totoo kay Sebastian. Talagang sinigurado ni Luna na hindi magsasalita ang kaibigan lalo pa’t close na close ang dalawa.

Si Rocky naman ay naguguluhan ‘man at masyadong nabibigla sa mga nalalaman ay wala sa kaniyang sarili. Kaya ng makasalubong niya si Sebastian ay hindi niya agad ang sasabihin dito. Nakatayo lang siya sa harapan nito at tinititigan ang kaibigan.

“Hey, Rocky!” Tawag pansin ni Sebastian na makailang ulit na mabuti at natauhan na ito.

“Huh?” Wala sa sariling sabi ni Rocky dito.

“Anong huh? Tinatanong kita kung san ka nanggaling,”

Agad na pumasok sa isip ni Rocky ang kaniyang nalaman kanina kina Luna at Riri. Dahil nasa harapan na niya ang kaibigan ay kating kati na siyang sabihin dito ang totoo. Ngunit pumipigil sa kaniya ang pangakong sinabi niya sa dalawang babae, sa kabila ‘nun mas nananaig pa ‘rin sa kaniya ang katotohanan na hindi niya kayang magsinungaling sa kaibigan.