Chapter 21

Bivianne

Isang linggo lang ang intramurals. Kaya naman mabilis lang ding dumaan ang mga araw. Ang department namin ang isa sa mga nakapasok sa semi-finals kalaban ang IT department. Last day na ngayon ng intramurals kaya naman mamayang hapon din gaganapin ang finals.

Kung sino ang mananalo sa ‘min ngayon ay siyang magiging kalaban ng CSER department o ang College of Sports, Exercise and Recreation.

Sa totoo lang, hindi na ako umaasang mananalo kami laban sa CSER mamaya. Ang tanging nagmo-motivate lang sa ‘kin ngayon ay kahit papaano, may pagkakataon kaming maging 2nd place. Hindi na rin masama.

Pero napanood na namin maglaro ang IT noon at talagang magaling din sila. Sila ang nagpahirap ng todo sa CSER noong mga nakaraang araw. At tiyak na mahihirapan din kami.

“Makakapunta raw ba si Oxem?” tanong ni Yeshua.

“Mamaya raw siya pupunta sa finals,” sagot ko. “Ngayon kasi ang finals ng mga kaklase niya kaya nandoon siya para sumuporta.”

Napasinghal siya. “Sinuportahan niya ‘yong iba pero i