CHAPTER 106 - Wicked And Secret Plan

Tulala si marigold nang bumalik sa kumpanya. Paulit-ulit na bumabalik sa kanyang isipan ang mga sinabi ni Jonas. Tila hindi ito sigurado sa kanyang narinig. 'Tama ba ang naring ko kay Jonas? Pero p-paano?'

Dismayado man ay hindi na hinintay pa nila Jessy si Marigold kaya umalis na ang mga ito sa pag-aakalang baka may importanteng pakay si Jonas sa dalaga. Kaya mag-isa lang kakain si marigold sa canteen.

Natu-tulala ang dalaga habang sumusubo kung kaya hindi nito napapansin ang mga bulungan ng mga babae sa paligid.

"Bakit mag-isa siyang kumakain ng lunch? Don't tell me, break na agad?"

Sarkastikong nagtawa ang isang bitter na babae. "O baka naman nagising at natauhan na rin agad si papa Ceo at na-realize na hindi bagay si marigold sa kanya."

"Ang bilis naman, hindi man lang umabot ng isang linggo? Hayy..... kunsabagay, langit at lupa ang pagitan nila ni Mr. Atanante." May panghihinayang na wika ng isang may-edad na babae.

Tila biglang naalimpungatan si Marigold nang maulinigan