CHAPTER 26 - Avoidance

Mas maayos na ang mood ko ngayon kumpara kahapon. Hindi na rin ako masyadong nalulungkot kapag naalala ko ang mga nangyari.

Siguro nakatulong talaga 'yung pampatulog na binili ko sa botika kaya maganda ang naging gising ko.

Nang papasok na 'ko sa trabaho ay nakita ko ang ilang lalaking may mga dalang shopping bag na nakaabang sa labas ng pinto ko.

Nang makita nila ako ay naglapitan sila.

"Kayo po ba si Ms. Marigold Magbanua?"

"A-ako nga, teka, teka.... Lilinawin ko lang ha, wala akong ino-order sa inyo." Paglilinaw ko.

"Ma'm, bayad naman na po ito, pakipirmahan na lang po." Wika ng lalaki sabay abot sa akin ng ballpen at delivery receipt.

"P-pero..." Tiningnan ko ang shopping bags na dala-dala nila. Sa nakikita ko ay mukhang mga mamahalin at..... parang branded ang mga ito?

Bagaman may ideya na ako kung kanino ito nanggaling, hindi pa rin ako nakakasiguro lalo na't mukhang titigilan na rin niya ako.

Isa pa, hindi ba tapos na ang pagpapanggap n'ya? Hindi n'ya kaya ang pangungu