CHAPTER 25 - Move On

Natulala na lang ako sa kanilang dalawa habang patuloy silang naghahalikan na parang wala silang balak tumigil.

Kung titingnan ay parang sanay na sanay na sila at parang palagi nila itong ginagawa.

Nang bumaling sa ibang direksyon ang mukha ng babae habang nakikipaghalikan ay nakilala ko rin kung sino ito.

Siya 'yung babaeng bigla na lang sumulpot at yumakap kay Mr. Atanante paglabas namin ng conference room.

Hindi ko alam.... ganito pala siya magseryoso.... Ito pala ang sinseridad niya. Wala na raw silang ugnayan pero......

Pakiramdam ko ay parang may invisible na kamay na sumampal sa 'kin na nagsasabing; 'gumising ka! Ito ang katotohanan, hindi na siya magbabago!'

Kumubli ako at pin'roseso sa utak ko ang sitwasyon. Malinaw kong nakita ang lahat kaya hindi ko ito puwedeng itanggi at lalong alam ko na hindi ko na siya dapat pang bigyan ng 'chance' na hinihingi niya.

Nu'ng nag-sorry at nagpaliwanag s'ya dahil sa babaeng ito ay nagawa kong balewalain iyon at isiping walang nangyaring g