Chapter 175

-Bloody Red door-

Jared’s POV

Inilibot ko ang paningin ko. Padagdag nang padagdag ang usok sa paligid, ang kakaibang init sa lugar at pati na rin ang mga pulang likido na dumidikit sa paanan ko ay umiinit na rin. Dumagdag din ang init mula sa itaas, marahil ay mga ilaw na napakatingkad ang kulay at epekto sa mga mata ng tao. Mukhang dinagdagan nila ng Emotional Test ang Bloody Stages bukod sa Mentality test, kung saan ay kakaiba ang mga nakikita namin sa paligid, isang ilusyon lamang.

Lakad-takbo na ang ginawa ko dahil sa init na nararamdaman ko. Painit nang painit ang mga dugong narito na talagang nakaka paso sa balat. Kailangan kong mahanap sila Arthryn, Aldrin, at ang triplets, lalo na ang prinsesa, dahil sa’kin siya ipinaubaya ni King.