KABANATA XXX

Sa pagpasok nila sa bahay ay iba't-ibang klase ng mga tingin ang kanilang natanggap. Nagtataka ang mga ito kung sino ang kasama ni Angelica na nakakapit pa sa kaniyang bewang.

Nakatingin si Romnic sa kamay ng lalaking nakahawak sa bewang ni Angelica at pakiramdam niya ay gusto niya itong tanggalin.

"Sino sila?" nagtataka na tanong ni Kevin.

Sakto naman lumabas sa kusina si Venuz at siya ang sumagot sa tanong, magiliw niya itong sinagot habang hawak pa ang sandok na kaniyang ginagamit pangluto.

"Boyfriend siya ni Angelica."

Halos mahulog ang kanilang mga panga sa nalaman habang si Allen naman ay natatawa lang sa gilid kaya't mahina siyang tinapik sa sikmura ni Angelica.