Chapter 36

Matapos nang usapan ni Louise at ng kaniyang Lolo ay tinungo niya ang Christian VII's Palace, or known as Moltke's Palace para pinuntahan ang kanyang Ina sa silid nito.

Naabutan ni Louise ang kanyang Ina na nakaupo sa upuan, malapit sa bintana at nakatanaw sa labas na para bang may nakikita.

“Ma,” tawag niya rito at lumapit.

“Kamusta ang paglilibot mo? Nabalitaan ko kay Wanda na inilibot ka raw ni Yasmin sa tahanan ng Papa mo?” Hindi man si Louise nakikita ng Ina ay nakangiti pa rin ito.

"Hindi rin naman kami nagtagal ni Yasmin doon," aniya. "Inilibot niya pa ako sa ibang parte ng palasyo, tapos pinatawag din ako ng hari.”

Umupo si Louise sa braso ng upuan na inuupuan ng kanyang Ina at tumingin din doon sa labas. Nagsisimula na maging kulay kahel ang langit. Pati ang simoy ng hangin ay lumalamig na rin.

“Bakit ka ipinatawag?"

“Binigyan ako ng body guard," sagot niya. Nilingon niya ang ina nang may naalala. “Magaling ka pala magpinta?” Ngiti niya rito. “Ipinakita ni Yasmin ang malaking