Chapter 35 - Offer

Natulala si Mylene sa matangkad at makisig na lalaki sa kanyang harapan. Inakala pa niyang night and shining armor niya ito at tangka sanang hahawakan ang guwapong mukha nito. Ngunit bigla siyang binitiwan ng lalaki.

Magtatanong sana ang lalaki kay Mylene kung doon nakatira si Agnes sa villa'ng iyon, ngunit kagaya ng mga babaeng unang nakasilay ng kanyang kakisigan ay tulala ito. Nasuya siya kaya kaagad niyang binitiwan ang babae.

"Tara kuya, nandoon ang ate ko sa loob." Paanyaya ni Alfie sa lalaki habang hinihila ang laylayan ng polo shirt nito. Inakay ng bata ang lalaki hanggang sa sala at iniwanan ito para tawagin si Agnes.

Nang makarating sa kusina ang bata ay narinig nito ang pagtatalo ng ama at ng madrasta. "Ate...." Tawag niya.

"Alfie, doon ka muna sa kuwarto mo, may importante kaming pinag uusapan dito." Kunot-noong wika ni Eduardo sa bunsong anak. Sa ayos ng ama ay natakot ang bata kaya kaagad itong umalis at bumalik sa sala. Nagpaumanhin ito sa naghihintay na bis