Kabanata 36 His First Love

“Mika, kanina ka pa?” Puno ng pag-aalala ang boses ni Liam pagkakita sa kanya.

“Kakadating ko lang, sapat para madinig na pinaglalaruan mo lang ako.”

Ngunit hindi lumabas ang mga salitang ito sa kanyang bibig. Hindi maproseso ng utak niya na hindi siya mahal ni Liam. Kahit nadinig na niya sa mismong bibig nito ay ayaw niyang paniwalaan. Ganoon ba ang taong umiibig? Nagiging bulag at bingi? Tanga?

Huminga siya ng malalim. Ikakasal na ito. Susulitin na niya ang pagkakataong makasama pa ito kahit ginagamit lang nito ang kanyang katawan. Sabi ng kanyang ina, ang pag-ibig ay hindi mapanakit. Pero bakit nasasaktan siya ng labis? Hindi ba ito pag-ibig? Kahibangan ba ang kanyang nararamdaman?

“Mika, magpapaliwanag ako,” untag ng binata ng hindi pa din siya sumasagot. Mukha itong kabado.

“Bakit kayo magkasama ni Ava? Nakita kong sinundo ka niya sa bahay kaya sumunod ako.”

Tila ito nabunutan ng tinik. “Dinalaw lang namin si lolo.”

“Kailan ang kasal ninyo?”

Hinawakan nito ang kanyang kamay at in