Kabanata 44 Heartbreaking Moments

Luminga siya sa paligid. Parang normal ang lahat at pangkaraniwang araw lamang para sa iba. Ngunit nanginginig ang kanyang buong katawan. Ano ang kanyang gagawin? Totoo kayang may bomba sa loob ng korte? Totoo man o hindi, ang kaligtasan ng lahat ang dapat unahin.

Madaming tao ang posibleng malagay sa panganib ngayon lalo ang mga mahal niya sa buhay. Kailangang magpakatatag siya at magdesisyon para sa ikabubuti ng lahat.

Mag-uumpisa na ang kanyang salaysay. Pumikit siya. Pilit inaawat ang luhang gustong pumatak. Muli niyang sinulyapan si Liam. May gusto siyang ipahatid dito ngunit nanatili itong nakayuko.

Tinanong na siya ang kabilang kampo ngunit hindi niya maibuka ang bibig. Hindi niya kayang ilaglag si Liam at iwan sa ere. Si Liam ang kahuli-hulihang taong magagawa niyang saktan. Pero paano kung sumabog ang bombang sinasabi ng abogado? Naninikip ang kanyang dibdib. Hindi pa siya natatakot ng ganito katindi sa buong buhay niya.

Inulit ng abogado ng kabilang kampo ang tanong. “Ayon s