Kabanata 48 Discovering the Truth

Nasisiraan na ito ng bait. Paano kung mahuli ito ng mga pulis? Tumingin siya sa bintanang salamin. Nakita niyang nakaupo ito sa tabi ni Mika. Umuuga ang balikat nito. Alam niyang umiiyak ito sa sinapit ng nobya.

Kailangang libangin niya si Gemma. Baka mapansin nito ang binata sa loob.

“Gemma, baka nagugutom na ka na o gusto mong magpahinga. Ako na ang bahalang magbantay kay Mika.”

“Sure ka? Kailangan ko din kasing matulog at may duty pa ako bukas.”

“Oo, sige, hihintayin ko ang mga magulang ni Mika.”

Tumayo ang dalaga at akmang sisilip sa loob. Makikita nito si Liam! Nag-iisip siya ng paraan kung paano ito papatahimikin. Suntukin na lang siguro niya sa mukha ng makatulog. Hindi pa naman ay nakukunsensya na siya.

“Sige, aalis na ako. Maraming salamat.” Tila wala naman itong nakita.

Agad siyang sumulyap sa loob ng ICU, wala nga si Liam. Pumasok siya sa loob.

Nakita niya ito sa likod ng pinto. Bakas sa mukha nito ang pagod at lungkot.

“Liam, bilisan mo at baka dumating ang mga magulang ni