Kabanata 53 Fireworks in the Sky

“Hayup ka talaga! Bakit bumalik ka na naman?” Agad niyang nakilala ang boses ng daddy ni Mika!

“Dr. Ramirez, hindi sa’yo bagay ang humawak ng baril. Ibaba ninyo ‘yan. Fully recorded ang lahat ng nagyayari sa loob ng sasakyan ko. Makakarating sa security ko ang pagpatay mo sa akin. Makukulong ka at natitiyak kong hindi ka papatawarin ni Mika.”

“Huwag mo akong takutin. Layuan mo si Mika! Hindi pa ba sapat na muntik na siyang mamatay dahil sa’yo?” lalo nitong idinikit sa ulo niya ang baril.

“Kaya nga ibinigay ko na ang lupang hinihingi niya para makabawi sa kanya.”

“Alam na alam mo kung paano kukuhanin ang loob ng anak ko! May asawa at anak ka na, bakit ginugulo mo pa siya? Gago ka talaga!”

“Sinunod ko lang naman ang payo mo, mag-asawa ng taong hindi ko mahal.”

“Huling warning ko na sa’yo. Huwag mong guluhin ang buhay ng anak ko.”

“Hindi ko maipapangako ‘yan. Ikaw ba hindi mo ginulo ang buhay ng nanay ko? May ideya ka ba kung nasaan siya?”

“At bakit ka biglang nagka-interes malaman kung