Kabanata 59 Love and Chaos

Agad napatayo sila Nessa at Andrei. Napapikit ang dalaga at nasapo nito ang ulo. Kinarga ng matanda si Bella at hinalikan sa pisngi. Muli nitong ibinaba ang bata.

“Sumunod ka sa akin,” anang matanda kay Andrei.

“Wala po kaming relasyon ni Nessa. Huwag ninyo siyang sasaktan,” pagtatanggol niya sa dalaga. Mukhang matapang ang lalaki. Baka saktan si Nessa dahil sa isiping may relasyon sila.

“Bakit ko sasaktan ang anak ko? Gago ka nga palang talaga. Ikaw ang sasaktan ko! Matagal na akong nagpipigil sa’yo. Pinaimbestigahan na kita.”

Napawang ang kanyang labi. Ang matandang kaharap niya ay hindi sugar daddy ni Nessa kundi tatay nito talaga.

“Kayo po ang tatay ni Nessa?” Paniniguro niya.

“Oo, ako nga. Oh ano, may bayag ka na bang akuin ang resposibilidad mo sa mag-ina mo?”

“Mag-ina? Ano po ang ibig ninyong sabihin?”

Inakbayan siya nito. Bakit ang bigat ng braso ng matanda? “Bakit hindi pa ba sa’yo nasasabi ni Nessa na ikaw ang daddy ni Bella?”

Tila siya binagsakan ng bomba. Nagimbal