Kabanata 64 Life is Beautiful

Nagkatinginan sina Zion at Jasmin. “Hindi ko kilala tatay niya. Tinatanong ko lang kung ano ang trabaho ng ama niya kung pulis ba o security din. Kaya pala hindi siya makasagot agad dahil hindi niya kilala tatay niya.”

“Sabi ng lola ko na umampon sa akin, sa military nagtatrabaho ang tatay ko. Hindi ko lang alam kung buhay pa siya. Hindi ko siya kilala at wala na din akong interes na kilalanin pa siya.” Matalim ang tingin nito kay Jasmin.

“Ano nga pala ang kailangan mo, Jasmin?”

Naging mailap ang mata ng babae. “Hmmm. Wala na kasi laman ang credit card ko. Magpapasend sana ako ng allowance namin ni Seb for next month.”

“Ano? Kakabayad ko lang ng two hundred thousand sa credit card mo last week. Wala na namang laman? Ano bang binibili mo? Baka akala mo unlimited ang pera ko.”

“Advance ko na lang ang allowance namin ni Seb. Magtitipid na ako, promise.”

“Jasmin, baka bili ka ng bili ng mamahaling bag at sapatos. Ipapaalala ko lang sa’yo na wala kang trabaho.”

Umismid ang babae. “Siyempre