Kabanata 65 Daddy Doctor

“Nay, hindi po kami totoong magkapatid. Tignan ninyo po. Magka-iba ang mata namin. Tsinito po siya. Malaki naman po ang mata ko,” ani Mika

“Pero magkapatid po ang turingan namin.” Inakbayan siya ni Zion.

“Kung malaki ang iyong mata, dapat gamitin mo para makita mo ang katotohanan. Sa paglilibot ko sa San Marcelino, madami akong natuklasan gamit ang aking mga mata at tenga.”

Ngumiti ang matandang pulubi bago lumayo. Kumunot ang noo niya sa sinabi nito. Hinabol niya ito at inabutan ng pera pambili ng pagkain.

“Palagi kong nakikita sa plaza at harap ng ospital ang matandang pulubi na ‘yun,” aniya kay Zion.

“In fairness kay nanay, parang naglagay lang ng uling. Hindi din siya mabaho. Magulo lang ang buhok,” natatawang sabi ng binata.

“Tsaka mukha siyang maganda kapag napaliguan. Kita mo matangos ang ilong niya. Ano kaya ang nangyari sa kanya at nagkaganoon ang buhay niya.”

“Alin lang sa dalawa, baka masama ang ugali niya o masama ang ugali ng pamilya niya kaya siya inabandona.”

“Mukha nam