Kabanata 72 The Search Continues

Muntik ng mabali ang hawak na lapis ni Liam sa labis na pag-iisip. Dumagdag pa si Ms. Castro. Kalaban ba ito? Nandoon ito sa loob ng kwarto ng mamatay ang kanyang ama. Pinaimbestigahan na niya ang nurse at malinis ang record nito. Walang nakitang kahina-hinala.

Dumating si Zion na may dalang envelop. “Ipinapabigay ni Rafael. Andyan daw ang DNA paternity testing ninyo ni Dr. Ramirez.”

Nagdadalawang isip siyang buksan ang envelop na nasa ibabaw ng kanyang table. Handa na ba siyang malaman ang katotohanan? May magbabago ba sa buhay niya kapag nakilala na niya ang tunay na ama?

Nakalagay sa sulat ng ama ang mga huling habilin nito sa kanya. Naging abala siya sa mga pinagawa nito. Pati ang pagtataguyod sa Power Land Construction Corporation at iba pang negosyo nito para makatulong sa mga taga San Marcelino. Nakiusap din itong huwag na niyang hanapin ang kanyang totoong ama at kahit ang kanyang inang naglahong parang bula. Walang paliwanag ang kanyang ama kung bakit. Pero kailangan niyang a