Kabanata 79 Patch Things Up

Kumuha ng blanket si Liam upang itakip sa katawan ni Mika. Binuhat siya nito at isinugod sa ospital. Mabuti na lamang at safe siya at ang baby. Nagkaroon lamang siya ng hiwa sa kaliwang hita niya ng madulas at tumama sa nabasag na baso. Kakalabas lang ng duktor na tumingin sa kanya. Walang may gustong maunang magsalita sa kanilang dalawa ni Liam.

“Umuwi ka na. Tinawagan ko na si Zion. Papunta na siya dito. Hindi kita kailangan,” aniyang nakatingin sa bintana ng ospital.

“Hindi kita iiwan kahit ipagtabuyan mo ako,”determinadong sagot ng binata.

“Bakit ba ang kulit mo? Hindi ikaw ang ama ng anak ko. Tsaka ano ang ginagawa mo sa bahay ko?”

Lumapit ito sa kanyang higaan at inilapit ang mukha sa kanyang mukha. “Hindi ka makakatakas sa akin, Mika.”

Nalanghap niya ang mabangong hininga ng binata sa sobrang lapit ng mukha nito. Tila na naman siya nahihipnotismo. Miss na miss na niya ito. Pilit niyang nilalabanan ang damdamin.

“Ayaw kitang makita, Liam. Huwag mo na akong guluhin.” Umiwas siya