Kabanata 80 A Friendly Warning

May kumakalabog ng pinto sa labas. May sumisigaw. Si Jasmin. Paano sila natunton ng babae? Binuksan ni Liam ang pinto bago pa ito tuluyang mambulahaw ng kapitbahay. Lumabas silang apat.

“Hayup ka! Malandi ka! Mang-aagaw! Maghanap ka ng walang sabit!” Akmang susugurin nito si Mika. Agad na humarang si Liam.

Hindi siya nakakibo sa sinabi ng babae dahil toto naman ang lahat ng ito. Inaasahan na niya ang ganitong tagpo.

Parang torong nagwawala si Jasmin. “Layuan mo ang asawa ko! Hindi kami maghihiwalay! Malandi ka!”

“Jasmin, inuubos mo ang pasensya ko! Kapag hindi ka tumigil mapipilitan akong ibalik ka sa mga magulang mo. Huwag kang manggulo dito.” Hinila ito ng binata papasok sa kotse.

Tinanaw na lamang niya ang pag-alis ng sasakyan ni Liam. Inilayo nito si Jasmin. Paano kung mag-usap ang dalawa at piliin ng binata ang babae?

Hindi siya dalawin ng antok. Tatlong oras na ang nakakalipas ay hindi pa din bumabalik si Liam. Baka nagkaayos na ang dalawa at may ginagawa ng kahalayan ang mga it