Kabanata 86 Happy Family Reunion

Kausap ni Dr. Ramirez ang matandang pulubi na malinis ang katawan at nakabihis ng maayos. Halos hindi niya ito nakilala.

“Roberto, hindi ako nanggugulo. Gusto ko lang masilip ang anak ko sa araw ng kasal niya.”

“Anak? Sinong anak ang tinutukoy ninyo?” tanong ni Mika. Labis ang kabog ng kanyang dibdib.

Sabay na napalingon sa kanya ang dalawa. “Mika, mag-usap muna tayo saglit,” sabi ng kanyang ama.

Magkakaharap silang tatlo sa mesa ng meeting room ng venue. Nakatayo si Liam sa likod niya. Nagtatanong ang kanyang mga mata sa dalawang matanda.

“Panahon na para magkakilala kayo. Mika, si Aurora ang tunay mong ina.”

“Paano po nangyari?”

“Ampon siya ng mga Ramirez. Itinuturing ko siyang nakababatang kapatid ngunit naglayas siya kaya nawalan kami ng komunikasyon. Nakita kita sa tulay ay may kasamang sulat mula sa kanya. Inihabilin ka niya sa akin.”

Napatitig siya sa babaeng nasa harapan. Hindi siya makapaniwala. Hindi niya alam kung ano ang dapat niyang maramdaman ng mga oras na iyon.

“Mika,