Kabanata 91 Cold and Heartless

Binabantayan ni Liam si Mika sa ospital na mahimbing na natutulog. Tulala pa din siya sa nangyari. Hindi niya matanggap ang pagkawala ng anak. Hanggang ngayon ay hindi pa naaapula ng bumbero ang sunog sa kabilang gusali. May panaka-naka pa ding pagsabog.

Nilapitan ni Ms. Castro ang binata. “Kailangang linisin at gamutin ang mga sugat mo bago pa maimpeksyon,” anito na sinimulang pahiran ng bulak ang sugat na natamo. Ngayon lamang niya napansin ang ilang paso sa braso. May bahagi din ng kanyang buhok ang medyo nasunog.

Walang sakit siyang nararamdaman sa mga sugat. Ang kirot ay nasa kanyang puso.

Nagising na si Mika. Bumalikwas ito ng bangon. Ang anak ko! Liam, nasaan si baby Enzo?” Niyakap niya ang asawa. Nagpipilit itong tumayo.

“Mika, huwag kang mabibigla, hindi nakaligtas ang anak natin sa sunog.” Hindi niya alam kung paano sasabihin sa dalaga ang pagkawala ng kanilang anak ng hindi ito masasaktan.

Nagwawala na ang asawa. “Liam, dalin mo sa akin ang anak natin. Gusto ko siyang makit