Kabanata 92 Related by Blood

Wala talagang puso ang Lolo Artemio niya. Alam pala nito kung nasaan ang nanay niya ay hindi nito sinasabi. At nasaan ang matanda? Bakit parang may narinig siyang iyak ng bata. Muli siyang tumawag. Mabuti at nag-ring na matapos ang ilang ulit niyang pagtawag.

Sinagot ng lolo niya ang telepono. “Hello, nawawalan ng signal. Nasa mall ako, madaming batang naglalaro at may mga nag-iiyakan pa nga.”

“Lolo Artemio, nasaan ang nanay ko? Sabihin mo sa akin dahil madami akong gustong malaman.”

“Hindi mo siya makikita kasi ayaw niyang magpakita. Ganoon kasimple. Huwag mo siyang alalahanin. Kaugali mo ang nanay mo na matigas ang ulo.”

“Lolo Art---” Binabaan na siya nito ng telepono. Napailing na lamang siya. Kilala niya ito. Hindi niya ito mapipilit na sabihin kung saan matatagpuan ang nanay niya.

Tinawag niya ang secretary. “George, pasundan mo si Lolo Artemio. Alamin mo ang mga lugar na kanyang pinupuntahan at kung sino ang palagi niyang kasama o kausap.”

“Yes, sir.”

***

Nagpalagay si Liam ng g