Kabanata 96 Not Wanting to Let Go

Kumandong siya kay Liam. Sumubsob siya sa leeg nito upang magsalita at madinig nitong mabuti ang kanyang sasabihin. Kaso ay sobrang lasing na ito at hindi na yata naiintindihan ang mga sinabi niya. Nag-isip siya ng paraan para makausap ito dahil bantay sarado din siya ni Lolo Artemio. Kapag nakatunog ang bantay niya na nawawala siya ay tiyak na isusumbong siya. Kailangan niyang magmadali.

Plano niyang dalahin sa banyo si Liam at buhusan ng tubig para mahimasmasan. Ang bigat ng binata. Ngayon lang niya nakita itong sobrang lasing. Hindi niya ito mabuhat o maiangat man lang sa sofa. Sumuko na siya. Kumuha siya ng tissue paper at nagsulat ng note kung saan sila pwedeng magkita. Binigyan niya ito ng instructions. Ipinasok niya sa bulsa ng jacket nito ang tissue. Sana ay mabasa nito.

Kinuha ni Lolo Artemio ang sim card niya at pinalitan ng bago. Nasa pangalan nito ang sim na ipinagamit sa kanya kaya malalaman nito ang lahat ng messages at calls niya. Hiningi din nito pati passwords ng soci