Kabanata 89 Facing the Devil

Nag-aalangang sumagot si Zion kay Liam. “Hindi ako sigurado dahil walang ebidensya pero iisa lang ang naiisip ko na posibleng suspect.”

“Sino ang naiisip mo?”

“Si Dr. Roberto Ramirez.”

Natigilan si Liam. “Siya din ang isa sa suspek ko noon pero pinaimbestigahan ko na siya dati. Malinis ang record niya.”

“Kinikilala siyang tatay ni Mika. Pero miyembro din siya ng White Web Mob. May posibilidad ng alitan o sabwatan. Ngunit hindi nga ako sigurado.”

“Pasundan natin ang bawat galaw ni Dr. Ramirez upang makatiyak. Sana ay hindi siya. Dahil tiyak na masasaktan si Mika.”

“Sana nga. Magaling ang kriminal, pinatulog niya ang bantay at nabura niya agad ang CCTV na nagpapakita ng hallway sa kwarto ng daddy ko. Posibleng hindi lang nag-iisa ang kriminal na nasa ospital.”

“May punto ang hinala mo. Tulungan mo akong lutasin ang kaso ng White Web Mob. Gusto ko ng mabuhay ng tahimik.”

“Makakaasa ka sa tulong ko.” Tinapik nito ang kanyang balikat.

“George, paki-background check ang lahat ng nagtatrabah