Kabanata 82 Scars of Being Abandoned

Hawak ni Lolo Artemio ang baril ng lumapit kay Mika. “Hindi ako mangingiming patayin ka at ang bata sa sinapupunan mo. Lumayo ka kay Liam.”

Puno ng sindak ang kanyang mukha. Napaatras siya.

Kaagad nitong itinago ang baril pagbukas ng pinto ng pumasok si Ms. Castro.

“Mika, hinahanap ka ng daddy mo. Ako na ang bahala kay Lolo Artemio.”

Binigyan siya ng babae ng matamis na ngiti. Bumait ito sa kanya mula ng nagkarelasyon sa daddy niya. Pinuntahan niya sa opisina ang kanyang ama na tila ba tumanda ng ilang taon dahil sa stress sa ospital.

“Kumusta anak?” bati nito.

“Okay naman po. May kailangan po ba kayo?”

Hindi agad nakasagot si Dr. Ramirez. “May sasabihin sana ako tungkol sa amin ni Elma.” Si Ms. Castro ang tinutukoy ng ama.

Nahuhulaan na niya ang sasabihin ng ama. Hindi siya kumibo.

“Hindi naman lingid sa kaalaman mo na nagkakamabutihan na kaming dalawa. At hindi na din naman kami mga bata. Ipapaalam ko lang sa’yo na magsasama na kami sa bahay. At welcome ka anytime na gusto mong bumi