Kabanata 78 Fake Relationship

May nadinig si Mika na kumakatok sa pinto. Tumayo ito mula sa pagkakaluhod. Agad itong nagbihis ng bestidang pambahay. Nakahinga ng maluwag si Liam ng lumabas ito. Kausap ang dalaga ni Ate Minda. Lumabas siya sa pintuan sa kusina. Gustong gusto na niyang mayakap at mahagkan ang dalaga. Labis na ang kanyang pananabik na makasama ito at maalagaan. Ngunit naduduwag siya sa maaaring maging reaksyon nito.

Nakabalik na siya sa kabilang bahay na inuupahan. Tumatawag si Jasmin. Natanggap na nito ang divorce papers na dapat pirmahan. Nakakailang ring na kaya napagdesisyunan na niyang sagutin.

Inilayo niya sa tenga ang telepono pagdinig sa sigaw ng babae. “Nasaan ka, Liam? Mag-usap tayo.”

“Wala namang dapat pag-usapan. Kailangan mo lang pirmahan ang divorce papers.”

“Hindi ako payag sa diborsyo. Hindi tayo maghihiwalay, Liam. Mahal na mahal pa din kita.”

“Kasama ng mga papeles ang pinirmahan mong kontrata na kahit anong oras ko gustuhin ang makipaghiwalay ay pwede. Huwag mo ng pahirapan pa ang