Kabanata 75 Joy of Being a Dad

“Sir na pogi. Naghahanap po ba kayo ng mauupahan? Maganda po dito. Riverside po tapos ay mapuno at sariwa ang hangin,” anang isang babaeng halos mas matanda lamang ng ilang taon sa kanya.

“Ha? Opo, naghahanap ako ng apartment. May bakante po ba sa hilera na ito?”

“Meron, sa gitnang pinto, kakaalis lang last week. Sakto ang dating mo.”

“Sige po, kukuhanin ko na. Magkano po?”

“Five thousand per month. One month advance, one month deposit.”

“Magbabayad ako ng triple pero may hihingin akong pabor.”

“Pag-usapan natin ‘yan sa loob.” Niyaya siya ng katiwala sa loob ng ikalawang pinto na katabi ng inuupahan ni Mika.

Kinausap niya ang katiwala at sinabi na kasintahan niya si Mika at nagkaroon sila ng hindi pagkakaunawaan. Ipinakita niya dito ang ilang pictures na kuha niya at ang lumang larawan nilang magkasama. Nakuha naman niya agad ang tiwala nito.

Mas malapit na siya kay Mika ngayon. Isang pader lang ang pagitan nilang dalawa. Ngunit bakit parang napakalayo pa din ng dalaga. Labis na ang k