Kabanata 76 Unconditional Love

Nagulantang si Zion sa pagsalubong ng boss. Isa pa uling suntok sa panga ng binata ang pinakawalan ni Liam. Hindi niya matanggap ang ginawa nitong kataksilan at pakikialam sa babaeng pinakamamahal.

“Tarantado ka! Alam mo naman pala kung nasaan si Mika. Hindi mo sinabi na ikaw pala ang nagtago sa kanya!” Muli niya itong sinuntok sa mukha. Hindi umilag ang lalaki. Tinatanggap lang nito ang kanyang kamao. Duguan na ang mukha nito. Nang may pumigil sa kanyang kamay.

“Tama na!” awat ni Mika. Itinulak siya ng dalaga. Tinulungan nitong tumayo si Zion. Nagtagis ang kanyang bagang sa eksena. Hawak ni Mika sa braso ang traydor niyang bodyguard. Nakaramdam siya ng matinding panibugho. Malamang ay tinawagan ni Zion si Mika upang ipaalam na nalaman na niya ang pinagtataguan nito. Ginawa siyang tanga ng dalawa!

Biglang para siyang bulkang sasabog. Hinila niya si Mika. “Sino ang ama ng ipinagbubuntis mo?”

Nasindak ang dalaga sa kanyang tanong. Bakas ang takot sa mukha nito. “Sino?! Sumagot ka!” buly