Kabanata 74 The Moon Misses the Sun

Napansin niya ang cellphone ni Andrei na naiwan sa sahig ng umilaw ito. Akala niya ay lowbat ang cellphone nito. Sinungaling talaga! At may nag-pop up na message galing sa daddy niya. Pinagkaisahan na naman siya ng dalawa! Umusok ang ilong niya sa galit.

Kinalabit niya ang binata mula sa likuran. “Umupo ka lang at baka makita tayo ng mga taong padating.”

Idinuldol niya sa mukha nito ang hawak na cellphone! Kinurot niya ito ng pinong pino sa tagiliran.

“Aray, Nessa. Tama na!” Ilag ng binata sa bawat kurot niya.

Nakahanap siya ng basyo ng bote. Dinampot niya ito at ipupukpok sa ulo ni Andrei. Nanggigigil talaga siya sa mga kalokohan nito.

Lumabas ito ng kubo at tumakbo. “Nessa, tama na! Dumating na ang tutulong sa atin para makaalis dito.” Nagtago ang binata sa likod ng tatlong lalaking nagtataka sa kanilang dalawa.

Naayos na ang kanilang sasakyan kung nasira man. Hindi na niya alam kung totoo ang nangyayari o palabas lamang ng tatay niya at ni Andrei. Gusto niyang pagbuhulin ang dalawa