Kabanata 60 Until the Last Breath

Hindi makatulog si Nessa. Tumila na ang ulan sa labas. Katabi niya sa kama si Bella. Sana naman ay wala siyang madinig na ingay ng naglalandian mula sa kabilang kwarto. Hindi naman siya nagseselos. Nabubwisit lang siya na hindi tumalab ang sumpa niya kay Andrei na mamalasin ng dalawampung taon. Nagsuot siya ng jacket at lumabas.

Aba teka, mukhang nadinig siya ng universe. Natanaw niya si Andrei at Alona na mukhang nagtatalo. Napangiti siya. Hindi pwedeng siya lang ang malungkot at zero love life. Sinampal ni Alona ang binata. Dasurb. Totoo talaga ang karma. At minsan mapapanood pa natin ang higanti ng langit. Gusto niyang tumawa ng malakas ngunit pinigil niya ang sarili. Baka isipin ng makakakita na nababaliw na siya.

Nagpunta si Andrei sa malapit na bar at umorder ng alak. Umupo siya sa hindi kalayuan. Mukhang maglalasing ito dahil heartbroken. Malamang ay in love ito talaga kay Alona. Ano kaya ang pinag-awayan ng dalawa?

Umorder din siya ng beer. Tumigil na siya ng makadalawang bee