Kabanata 54 Painful Truth

Sumigaw ang bata pagkakita sa yaya. “Yaya!”

Agad kinuha ni Yaya Lorna si Bella kay Andrei. “Tara na at hinahanap ka ng mommy mo.”

Pagkaabot ni Andrei sa bata ay wala na si Nessa sa kinakatayuan nito. Tapos na ang fireworks display kaya naglisawan na ang mga tao. Biglang naglaho ang dalaga.

Tinawagan ni Nessa ang yaya. “Nasa parking area na ako. Nakatayo lang ako sa labas ng sasakyan. Pakibilisan at gabi na.”

Napasandal siya sa kotse. Nangangatog pa din ang kanyang tuhod hanggang ngayon. Muntik ng malaman ni Andrei na may anak sila. Wala siyang planong ipakilala si Bella sa tunay na ama nito. Tahimik na ang buhay ng lahat. Maliwanag ang sinabi ng binata na hindi siya gustong maging ina ng anak nito. May girlfriend na din ito.

Dumating ang yaya at si Bella. Agad niyang kinarga ang bata.

“Anak, ang sabi ko sa’yo huwag sumama sa hindi kakilala.”

“Mommy, duktor po siya sa ospital.”

“Saan mo nakilala ang lalaking kumarga sa’yo?”

“Sa ospital. Ibinigay niya po ang bola ko.” Naalala na niya. K