Ika-tatlumpu't pitong kabanata (ikalawang parte)

Sa pag-apak pa lang ng mga paa ko sa loob ng tinatawag nilang mall ay hindi ko na naiwasan ang mamangha sa paligid. Malamig ang hangin dito kung kaya’t naging pamilyar ang katawan ko sa temperatura. Sa paligid ng mall na ito ay mayroong iba’t-ibang tindahan na makikita. Mayroong mga pwesto na nagtitinda ng mga damit, gamit, at ang iba ay mga kainan. Marami ring mga mortal ang nag-iikot sa paligid. Karamihan ng aking nakikita ay pamilyang nagliliwaliw at nag-iikot, ang iba’y magkakatambal, at ang karamihan ay magkakaibigan. Mayroong maririnig na mahinang tugtog sa paligid ngunit mas nangingibabaw ang ingay ng pinagsama-samang boses ng mga naririto sa loob. Hindi naman sobrang dami ng tao ngunit sa palagay ko’y normal lang sa lugar na ito ang ingay.

“Anong masasabi mo sa mall?” tanong ni Cyrus. Ibinaling ko ang tingin ko sa kanya at nagkibit balikat.

“Maraming tao, malamig, maganda, at maingay,” sagot ko. Napangiti na lamang siya sa sagot ko at nagpaunang maglakad. Aga