The Forbidden Desires 35

(TFD) Chapter 35

Nagpaalam si Gineth na sa bahay muna ni Yana makikitulog dahil paalis kami ng kuya niya. Pinayagan naman ni Silas lalo pa't kasama niyang nagpaalam ang mga babae na kaibigan.

"Mags-sleep over kami sa bahay nila Yana sayang at hindi ka ulit makakasama."

Nilingon nila si Silas nang lumabas siya mula sa bahay at buksan ang backseat para ayusin ang mga gamit na dadalhin namin. Nasa hardin ang mga babae at nags-snack. Nakatayo lang ako sa gilid ni Gineth at nakikinig sa pinag-uusapan nila para hindi mainip habang hinihintay ang oras ng pag-alis namin ni Silas.

"Ano ba ang kinakain niyang kuya mo?" Bulong ni Bunny at nagpaypay pa ng kamay sa mukha niya.

"Bakit? Ano pa ba ang kakainin ni kuya? Pare-pareho naman kami ng kinakain," naguguluhan si Neth na nakatingin kay Bunny.

"May kakaiba bang kinakain iyan? Bakit ganyan kaganda ang katawan ng kuya mo? At hindi pa kayo magkamukha!"

Natawa si Bunny at Amy. Si Gineth, nagsisimula nang magsalubong ang kilay. Kami ni Yana tahimik