Kabanata 29

Smile

“Nay!” sigaw ko nang nakita si Aling Marites pag-akyat ko sa palapag.

Mabilis siyang bumaling sa akin at agad na nanlaki ang mata sa gulat.

“Fiona?”

Napangiti akong lumapit sa ginang na sinalubong niya naman ako at diretsong niyakap.

“Kumusta kayo ‘Nay?” tanong ko nang kumalas sa kaniya.

Binitawan niya ang hawak na walis tambo at nahihiyang nagpunas ng pawis bago ako nilingon.

“Ay, pasensiya kana anak. Pawisan ako tapos yumakap pa ako,” natatawang anito.

“Okay lang po. Kumusta naman po kayo?” tanong ko sabay lingon sa likuran ko nang narinig ang yabag ni Liam.

Dala-dala niya ang dalawang bag na pinagsidlan ng gamit ko. Ngumiti ako sa kaniya bago binalik ang mata sa ginang na nakatitig sa akin.

“‘Nay?”

“Pakiramdam ko nawalan ako ng anak nang umalis ka Fiona,” naluha ito bigla kaya napawi ang ngiti ko sa labi. “Masiyado akong napalapit sa’yong bata ka,” sabay tawa niya kaya nilapitan ko siya.

Ganoon nga siguro kapag walang anak mabilis mapalapit ang loob sa iba. Napalapit na rin n