Kabanata 40

Babies

“Kumusta si Mommy?” bungad kong tanong kay Nelia pagpasok sa kuwarto.

“Ate, nagpaalala ang doctor na humihina ang resistensya niya. Kapag nagkataon baka hindi makayanan ang dosage ng gamot.”

Natango ako kay Nelia at sunod na nilapitan si Mommy na nakahiga. Tulog.

Simula nang mailibing si daddy, nanatiling malamig sa akin si Mommy. At hanggang ngayon hindi pa rin ako kinakausap.

Hinaplos ko ang ulo niya at hinawakan ang kamay.

“Magpagaling ka na Mom. Nandito lang ako…”

I stayed at her side for the whole day. Pero kahit nang nagising na siya ay wala pa rin siyang imik kahit na pilit akong lumilikha ng usapan.

Pilit kong hinahagilap kung may iba pang dahilan, pero wala naman akong makita kundi ang nangyaring trahedya.

Alam kong nasasaktan si Mommy. Pero paano naman ako? Hindi rin naman ako maayos pero pinipilit ko para sa kaniya.

“Stay here tonight,” aniya na kinagulat ko.

“M-Mom?”

“I said, stay here tonight…” malamig pa rin niyang sabi.

Napalunok ako at malakas na tumambol ang di