Kabanata 582

Habang umiiling si Frank, bigla siyang nagkaroon ng mas magandang ideya at sinabi niya ito kay Bravo, “Paano kung ganito? Malamang wala kayong paggagamitan ng lupang ‘to pagkatapos niyo itong mabawi mula sa mga Salazar. Bakit hindi niyo na lang paupahan ang lupa at ang pabrika kasama ang mga makinarya dito sa’kin? Ten percent na mas mataas kaysa sa binayad sa inyo ng mga Salazar noon ang ibabayad ko sa inyo.”

“Ano?!” Napanganga si Bravo at mariin siyang umiling. “Hindi, hindi pwede!”

Sumimangot naman si Frank. “E kung twenty percent?”

“Hindi, nagkakamali ka, Mr. Lawrence.” Agad na naunawaan ni Bravo na mali ang iniisip ni Frank noong tinaasan niya ang presyo. “Hinding-hindi ka namin sisingilin ng halaga na siningil namin sa mga Salazar—labag ito sa konsiyensya namin.”

Pagkatapos ay dinagdag niya na, “Paano kung ganito na lang? Yung renta lang sa paggamit sa lupa namin ang sisingilin namin sayo. Hindi rin naman nanggaling sa pera namin ang pabrika at mga makinarya, kaya pwede mo na