Kabanata 17: Going Home

ALIRA

"MAMAKO, si Papako na ba 'yan?" Muling tanong ni Grayson kaya inayos ko muna ang pagkakaupo niya sa akin kaya hinaplos ko muna ang buhok niya at dahan-dahang tumango. Ramdam na ramdam ko na ang panlalamig ng kamay niya at ang pamumo ng mga luha sa mga mata niya.

Nagulat na lang kaming dalawa ni Laxon ng umalis ito sa akin at sinugod ng yakap ang Ama niya na ngayon ay gulat na gulat sa ginawa ni Grayson. Napapikit na lang ako ng marinig ko ang paghikbi ni Grayson at ang pag-iyak ni Laxon sa harap ko.

"Papako... papako. Dumating ka na, 'di na ulit malulungkot si Mamako at saka si gray-gray," humahagulgol na saad ni Grayson kaya napatakip ako ng bibig para pigilan ang hikbing gustong lumabas sa bibig ko.

Narinig ko na ang hikbi ni Laxon na para bang matagal niya ng hinihintay ito, nang tingnan ko muli ang mag-ama ko ay yakap-yakap pa rin nila ang isa't-isa na para bang matagal na nila itong gustong gawin.

"Papako..." Sambit muli ni Grayson kaya pinahid muna ni Laxon ang luha sa