Chapter 73

Sa bayan ng Chipan, kasalukuyang nagmamasid si Trigger sa paligid para humanap ng daan palabas ng bayan. Nagkalat pa rin ang mga larawan ni Eiress sa bayan kaya nahihirapan silang pumuslit palabas. Iniwan niya naman ito sa isang abandonadong kubo para makakilos siya ng maayos. Wala pa rin pagbabago sa kundisyon nito at mas makabubuti sa kanilang dalawa kung iiwan niya muna ito pansamantala.

Mabilis naman siyang lumihis ng daan nang tumingin sa kaniyang direks’yon ang isang tauhan ng mga Villarama sa Chipan. Nakuhang muli ni Rondell Villarama ang pamumuno roon at mas pinatibay nito ang pagbabantay sa papasok at lalabas ng bayan.

“Hoy, lalaking naka-asul na damit! Tumigil ka at lumapit dito!” sigaw sa kaniya ng lalaki.

Hindi siya tumigil at mas binilisan pa niya ang paglalakad. Naramdaman naman niya ang pagsunod ng mga ito kaya tumakbo siya.

“Hulihin niyo siya!” sigaw ng isang humahabol kay Trigger.

Nagpaliko-liko si Trigger sa mga eskinitang nakikita niya para iligaw ang mga humahabol