Chapter 24: To wish for something else

***

“You’re getting good at this.”

Matamis pa sa bukayo ang ngiti ni Erin sa komento ni Adam kahit pa alam niyang malayo iyon sa katotohanan. Binobola siya at nagpapabola naman siya. At kahit nagbobolahan lang sila ay ikinaliligaya niya.

“Really?” Yumapos siya sa lalaki.

“Actually, no.” Makulit itong ngumiti bago halikan ang tungki ng ilong niya. “But at least, you’re not mixing three recipes in one casserole like last time. Now, we’re left with either sweet and sour or adobo.”

Nagusot ang mukha niya. Bakit hindi na lang siya bolahin nito nang tuloy-tuloy? Ipagdikdikan pa talaga ang kinulang niyang talent sa pagluluto. Hinablot niya ang sandok na hawak ni Adam at tinikman ang sauce na ipinatikim niya rito. Maalat na matamis na maasim. Adobo o sweet and sour nga. Umasim ang mukha niya.

“I don’t get this,” sabi niyang umalis sa braso nito at namaywang sa harap ng kaserolang nakasalang. In-off niya ang electric stove.

“You don’t have to. I can cook for us,” sabi ni Adam mula sa pa