Chapter 78 – HUNT FOR CURE

HINDI mapakali si Airoh habang nagsimula si Winzi sa patingin sa kalagayan ni Rieska. The Princess of Alsache just came back after sending her brother back home. Bumalik naman ito kaagad gaya ng ipingako nito. Pero hindi lingid sa kanyang kaalaman na nagluluksa ang buong Alsache dahil sa nangyari sa susunod na tagapagmana.

Airoh trusted Winzi’s skills in healing. Lalo pa at galing na mismo kay Harewyn ang rekomendasyon na malaki ang maitutulong nito para bumalik ang kanyang reyna sa normal.

Tumingin sa kanya si Winzi matapos ang ilang sandali. Naglaho ang puting liwanag sa palad nito na siyang pumapailalim sa walang malay na reyna.

Malakas ang kabog ng dibdib niya dahil kitang-kita sa mukha ni Winzi ang matinding pagkabahala. “Ano ang nakita mo?”

“Hindi ko inaasahan na ganito kakumplikado ang kalagayan ng reyna. Mukha naman siyang maayos nang una ko siyang tiningnan nang nakaraang araw. Pero ngayon ko lubos na napagtanto na bawat himaymay ng kanyang ugat ay nakapaloob ang mahika.