Chapter 47

Nagising ako na wala na si Sheldon sa tabi ko. Kinagat ko ang ibabang labi ko upang pigilan ang sarili na umiyak.

Para akong tanga. Ayaw na nga sa iyo ng tao, pinipilit pa rin ang sarili.

Natawa na lang ako na naiiyak. Niyakap ko ang sarili ko at tahimik na umiyak. Huwag mo munang isipin si Sheldon, Alexa. Ang dami mo pang kailangang gawin.

Akmang babangon na sana ako nang biglang tumunog ang phone ko. Nang nakita ko na unregistered ito ay kumunot ang noo ko.

Sino kaya ito? Babaliwalain ko sana pero masyadong kulit kaya sinagot ko na lang.

“Hello,” bungad ko. “Sino ito?”

“Ma’am, ikaw po ba ang anak ni Ma’am Alejandra?”

Umawang ang labi ko at napaupo sa kama nang maayos.

“Ako nga, bakit?”

“Ma’am! Kailangan mong pumunta rito! Nagwawala si Ma’am Taliana!”

Namilog ang mata ko at naihulog ko ang phone ko. Agad-agad akong b