Chapter 72.2- Last Chapter

Paglabas namin ay agad kaming sinalubong nina Philip na nakaupo sa kalsada at mukhang may ginagawa na namang kalokohan.

“You sh*t! Ako ang nanalo!” Umalingawngaw ang boses ni Phians na pinagmumura pa yata si Ben. May hawak silang baraha at mukhang naglalaro sila ng Pusoy.

“Flush yung sa’kin at 2 pairs lang sa’yo,” gigil na gigil na sabi ni Phians dito dahil kinukuha ni Ben ang pera sa gitna. Si Diego naman ay natatawang sinidihan ang yosi at si Philip at Kael ay umiiling habang umiinom ng alak.

Hindi pa nila kami napapansin. Natatawa si Steven sa gilid ko habang nakatingin sa mga kaibigan niyang nakadekwatro sa kalsada at nagbabaraha at nagmumura na para bang tambay sa kanto.

“Hindi ba sila nahihiya sa pinaggagawa nila?” Rinig kong tanong ni Steven habang nakangiwing natatawa sa kaibigan niya.

Napalingon sa’min si Kael kaya agad niya kaming tinawag at lumapit sa’min. Dahil sa ginawa niya ay sumunod si Diego at Philip.

“Kamusta?” Tanong