TMST 37 - Happy or Unhappy?

"Ano, kaya pa?"

Umikot ang mata ni Genesis sa ere nang marinig ang mapang-asar na tanong ni Nathaniel sa kanya. Bigla na lang itong sumulpot sa tabi niya. Nakasandal siya sa hamba ng pinto at tinatanaw si Lucky na nakaupo sa gazebo at masayang nakikipag-usap sa bodyguard nito.

"Hindi ko alam kung bakit lagi ka nalang narito sa pamamahay ko. Wala ka naman ambag dito, at dagdag palamunin lang," asik ni Genesis. Naiirita na siya sa madalas na pagpunta ni Nathaniel, ginawa na nitong tambayan ang bahay niya.

"Eh, sa gustong-gusto kong pinanunood ang paghihirap mo. Ano, kaya pa? Bakit kasi hindi ka nalang lumuhod at magmakaawa kay Lucky. Tingin ko kasi hirap na hirap ka na, mukhang iiiyak ka na sa pagdidedma sayo ni Lucky," kutya pa ni Nathaniel.

"Tigilan mo ako, Niel. Ang sabihin mo, narito ka dahil sa assistant ng fiancee ko."

"Fiancee? Talaga lang? Akala ko ba titigil ka na sa kahibangan mo kay Lucky?" Hindi talaga maintindihan ni Nathaniel ang kababata sa mga paurong-sulong nitong