TMST 87 - Family Bonding?

Nagluluto si Lucky ng tanghalian nang mag-ring ang doorbell ng apartment ni Apocalipsis. Mula sa kusina, nasilip niyang tumakbo palabas ng sariling silid ang anak para pagbuksan ang bisita.

"Papa!!" masayang binati ni Chii ang ama.

"Hi, kiddo!"

Natawa si Lucky nang hawakan ni Chii ang hinlalaki ni Genesis at hinila ito papasok ng unit. Dala ni Genesis ang isang box ng cake, na sa tingin ni Lucky ay binili nito sa cafe sa tapat condominium building.

"Paborito ni Chii ang caramel cake nila," ani Lucky nang ilapag ni Genesis sa ibabaw ng center islang ang cake.

"Oh, really? I didn't know. Chocolate ang binili ko." Nakamot ni Genesis ang likod ng ulo. Ang hirap mag-adjust para sa anak niya sa totoo lang, hindi niya alam ang mga gusto at ayaw nito, pero ayos lang, handa naman siyang pag-aralan ang lahat ng dapat pag-aralan para kay Chii.

"Hindi caramel? Aw~ Tapon na lang natin," anas ni Apocalipsis nang pumasok sa kusina.

"Tsh!" Binawi ni Genesis ang cake at niyakap. "Hindi ka kakain ng ca