Chapter 23

THIAGO

Akala ko ito na ang araw na pinakahihintay ko. Pero nangyari ang hindi ko inaasahan. Masyado akong naging kampante at hindi ko napaghandaan ang mga kaaway. Ngayon pa sa araw ng kasal namin sila lumusob. Kaya hindi ko sila mapapatawad!

“Ibigay sa’yo? Nagpapatawa ka ba Naokiyama? Akala mo ba makakaalis ka pa dito sa teretoryo ko? Sa ginawa mong ito ikaw na mismo ang humuhukay sa sarili mong libingan.” Igting ang panga na sabi ko sa kanya. Dadaan muna siya sa ibabaw ng bangkay ko bago niya makuha si Keyla sa akin. Hindi ako natatakot mamatay dahil matagal ko nang hinanda ang aking sarili simula nang pasukin ko ang buhay na ito. Pero ang hindi ko mapapayagan kapag may ibang hahawak sa babaeng nasa tabi ko ngayon!

“Ang lakas naman ng loob mong magmayabang gayong ubos na ang mga tauhan mo? O baka naman sinasabi mo lang yan para maibsan ang takot mo?” Nakangising sabi niya sa akin. Dalawa laban sa maraming tauhan niya. Siguradong mahihirapan kami ni Keyla. Pero hindi ko balak na isuga