Chapter 46

KEYLA

Papalabas na ako ng mansyon bitbit ang mga armas na nakalagay sa attaché case nang marinig ko ang paparating na chopper. Hindi ako nangamba dahil pamilyar ito. Iisa lang kasi ang pagkakakilanlan nito at katulad ito ng pulang chopper na sumundo sa amin sa bundok upang dalhin sa secret headquarters ng TAJSO. Nasisiguro kong ako ang pakay nila rito.

“Ibaba niyo ang mga baril niyo!” Utos ko sa kanila dahil naging alerto sila sa pagdating ng hindi kilalang chopper. Sinunod naman nila ako at mabilis akong lumapit sa kung saan lalapag ang chopper.

“Miss Keyla sandali!”

Napalingon ako ng marinig ko ang tawag ni Harvey. Bihis na bihis na rin kasi ito gaya ko at may bitbit na rin itong mataas na kalibre ng baril. Kumunot ang noo ko dahil sigurado akong sasama rin siya sa pagpunta ko sa hideout ni Kyosawa. Kung saan ako kinidnap at ibinenta kay Naokimoto.

“Sino sila?” Nagtatakang tanong niya sa akin.

“Ang TAJSO…” Seryosong sambit ko sa kanya na ikinagulat niya.

“Huhulihin niyo na ba kami?